Bókaklúbbur á Amtsbókasafninu fyrir 8.-10. bekk
HaustBókaklúbbur á Amtsbókasafninu fyrir 8.-10. bekk
Föstudagur kl. 13:45 - 15:05
📖 Lýsing
Fyrir þau sem finnst gaman að lesa eða hlusta á góða bók.
Spjöllum um bækur, köfum ofan í booktok, höfum bók og bíó, hraðstefnumót við bækur, bókabingó, gerum origami úr gömlum bókum, búum til bókamerki, barmmerki, bókatengdan mat og margt fleira. Hámark 18 nemendur
📝 Námsmat
Ástundun, virkni og áhugi.
Brasílískt Jiu-jitsu
Báðar annirBrasílískt Jiu-jitsu
📖 Lýsing
Markmið með námskeiðinu er að kynna nemendum fyrir brasílísku jiu-jitsu (BJJ). Farið verður vel yfir helstu öryggisatriði og reglur á dýnunni, með það að markmiði að nemendur verði öruggir og ábyrgir iðkendur. Nemendur kynnast grunnatriðum í BJJ, meðal annars helstu stöðum, einföldum varnar- og flóttaleiðum úr algengum aðstæðum og helstu uppgjafartök og lása. Unnið verður í gegnum leiki, tækniæfingar og paravinnu.
BJJ er skemmtileg leið til að efla líkamlegan styrk, liðleika og líkamsvitund. Regluleg iðkun getur aukið einbeitingu, sjálfstraust og hæfni til að bregðast yfirvegað og skipulega við krefjandi aðstæðum. Lögð verður áhersla á tillitsemi, samvinnu og uppbyggilega stemningu.
Mikilvægt er að mæta í hreinum íþróttafötum og með vel snyrtar og stuttar neglur til að draga úr hættu á meiðslum og sýkingum. Æft verður í stuttbuxum eða íþróttaleggings og íþróttabol (stutt- eða langermabol).
📝 Námsmat
Ástundun, virkni og áhugi
Brettapark fyrir 8. – 10. bekk
HaustBrettapark fyrir 8. – 10. bekk
Föstudagur kl. 13:30 - 15:00
📖 Lýsing
Á þessu námskeiði er boðið upp á kennslu á hjólabretti.
Markmið: Kennsla í grunnatriðum á hjólabretti, kennt eftir getu hvers og eins.
Mælt er með því að þátttakendur komi með sitt eigið hjólabretti en möguleiki er á að fá lánsbretti. Takmarkað magn lánsbretta er í boði. Athugið að það er hjálmaskylda.
📝 Námsmat
Ástundun, virkni og áhugi í tímum.
Fjármálalæsi - fjármálafræðsla
HaustFjármálalæsi - fjármálafræðsla
Mánudagur kl. 14:00 - 15:20
📖 Lýsing
Valgreinin - Fjármálalæsi - fjármálafræðsla.
ERU FJÁRMÁL STÓRMÁL?
Fjármál.
Farið verður í fjármál einstaklinga. Hvernig er best að spara og safna pening. Hvenær á að taka lán og hvenær ekki.
Á ég að safna mér fyrir bíl eða á ég að fá lán fyrir honum. Hvað kostar að reka bíl. Hvað kostar að reka heimili.
Nemendur fá að kaupa og selja hlutabréf og reyna að átta sig á gengi hlutabréfa.
Hvað eru vextir og hvað er verðbólga.
Vinna.
Hvað er stéttarfélag. Hvers vegna er fólk í stéttarfélögum. Fæ ég frí og hvers vegna. Hver eru launin mín. Hverjar eru skyldur og hver eru réttindi þeirra sem eru að vinna fyrir aðra. Hvað þarf ég að vita til að stofna fyrirtæki. Get ég unnið hjá sjálfum mér? Skattar og opinber gjöld. Hvers vegna borgum við skatta?
Í náminu notum við bókina "Eru fjármál stórmál? - Fjármálalæsi fyrir unglinga" En einnig notum við netið þar sem gengi hlutabréfa eru skoðuð.
📝 Námsmat
Ástundun, virkni og áhugi
Framtíðin og ég
HaustFramtíðin og ég
Fimmtudagur kl. 14:00 - 15:20
📖 Lýsing
Hvað kostar að kaupa íbúð? Af hverju vilja samfélagsmiðlar halda athygli þinni? Hvernig virka stjórnmál á Íslandi? Hvaða störf eru í boði og hvaða menntun þarf til þess að fá slíka vinnu?
Á þessu námskeiði er farið yfir hluti sem tengjast raunverulegu lífi — framtíð, peninga, samfélagsmiðla, geðheilsu, störf, gagnrýna hugsun og margt fleira. Markmiðið er að hjálpa nemendum að skilja heiminn betur og taka upplýstar ákvarðanir.
📝 Námsmat
Ástundun, virkni og áhugi.
Gerum gott
Báðar annirGerum gott
📖 Lýsing
Gerum Gott snýst um að skipuleggja, framkvæma og halda utan um fjáröflun til styrktar málefnis sem hópurinn velur saman. Markmið er að kenna þátttakendum að koma hugmyndum sínum á framfæri, efla skipulagsfærni og vinna í hópi. Auk þess eykur það skilning á samfélagslegri ábyrgð og hvetur til samkenndar. Þátttakendur læra að sjá hvernig sameiginlegt átak getur haft raunveruleg áhrif og hvernig lítil skref geta skapað stóran mun.
Stundum er því haldið fram að góðgerðastarfsemi geti aldrei verið algerlega óeigingjörn, þar sem það veitir svo mikla ánægju að hjálpa öðrum að maður hagnast á því sjálfur um leið. Þannig verður verkefnið bæði lærdómsríkt og gefandi – fyrir hópinn sjálfan og samfélagið í kring.
📝 Námsmat
Ástundun, virkni og áhugi
Hlaðvarp fyrir 8. - 10. bekk
HaustHlaðvarp fyrir 8. - 10. bekk
Fimmtudagur kl. 14:00 - 15:20
📖 Lýsing
Margir eru hrifnir af hlaðvörpum og mörg þeirra njóta mikilla vinsælda. Hægt er að finna hlaðvörp sem fjalla um nánast allt milli himins og jarðar. Sum fjalla um afmörkuð efni, svo sem tónlist, kvikmyndir, íþróttir eða glæpi. Önnur byggja á frásögnum, og enn önnur taka fyrir stjórnmál eða samfélagsmál.
Í þessari valgrein fá þátttakendur tækifæri til að kynnast vinnuaðferðum hlaðvarpsstjórnenda og búa til æfingaþætti. Lögð er áhersla á að nemendur geti unnið sjálfstætt og miðlað sögum eða upplýsingum á markvissan og skemmtilegan hátt, bæði öðrum og sjálfum sér til ánægju.
📝 Námsmat
Ástundun, virkni og áhugi.
Hönnun og endursköpun í textíl fyrir 8.-10.bekk
Báðar annirHönnun og endursköpun í textíl fyrir 8.-10.bekk
Mánudagur kl. 14:15 - 15:45
📖 Lýsing
Nemendur læra að hanna og endurskapa nytjahluti og fatnað í textíl. Farið verður í undirstöðuatriðin í hönnun, sniðteikningu, vefjarefnafræði, sauma aðferðum og val á tækni við útfærslu verkefna. Nemendum er leiðbeint í gegnum sköpunarferlið frá kveikju að lokaverki og fá að kynnast framleiðsluferlinu frá upphafi til enda.
Kennslan byggist upp á nokkrum skyldu verkefnum frá kennara og einu val verkefni þar sem nemendur sýna fram á þá þekkingu sem þeir hafa tileinkað sér.
📝 Námsmat
Ástundun, vinnuframlag og áhugi.
Jóga Nidra fyrir 8. - 10. bekk
Báðar annirJóga Nidra fyrir 8. - 10. bekk
Miðvikudagur kl. 14:00 - 15:20
📖 Lýsing
Slökun og hugarró.
Hér lærum við um Jóga Nidra og æfum okkur í því að róa hugann með einföldum aðferðum. Hver tími byggist upp á fræðslu, umræðum og djúpslökun.
Jóga Nidra er leidd hugleiðsla og djúpslökun þar sem legið er á mjúkum dýnum á gólfi. Notast er við púða til stuðnings við líkamann og í boði er að nota teppi og augnhvílur. Kennari leiðir okkur inn í djúpa slökun og hugleiðslu. Þetta er tími þar sem við leyfum líkamanum og huganum að slaka á. Jóga Nidra hjálpar okkur að minnka streitu og kvíða, bæta svefn, einbeitingu, styrkja sjálfsmyndina og auka almenna vellíðan.
Þegar við æfum Jóga Nidra lærum við að róa hugann, hlusta betur á líkamann, taka eftir hugsunum án þess að dæma og tengjast sjálfum okkur á dýpri hátt.
📝 Námsmat
Ástundun, áhugi, vinnusemi og hegðun í tímum.
Klifur
Báðar annirKlifur
Mánudagur kl. 14:00 - 15:20
Þriðjudagur kl. 14:00 - 15:20
📖 Lýsing
Markmið með námskeiðinu er að kynna nemendum fyrir klifuríþróttinni. Fara vel yfir allar reglur og leiðarkerfi í húsinu og búa grunn að því iðkenndur verði sjálfstæðir og öryggir klifrarar. Nemendur munu læra helstu grunntækni og hugtök tengd klifri í gegnum leiki, tækniæfingar og klifur. Nemendur fá einnig kynningu á línuklifri og verður boðið upp á, nokkrum sinnum yfir önnina, að fara í klifurbelti og prófa línuklifurvegginn með leiðbeinanda sem tryggir öryggi nemenda.
Klifur er frábær leið til að auka alhliða líkamlegan styrk, auka liðleika og bæta þol. Það getur einnig bætt jafnvægi og aukið samhæfingu.
Að klifra krefjandi leið er eins og að leysa þraut. Einbeiting og útsjónarsemi hjálpar til við að leysa þrautina og þannig virkjar klifur bæði líkamann og heilann samtímis.
Nemendur geta fengið klifurskó í láni á námskeiðinu en við mælum með að þau komi með sína eigin skó ef þau eiga.
📝 Námsmat
Ástundun, virkni og áhugi.
Körfuboltaskóli fyrir 8. – 10. bekk
HaustKörfuboltaskóli fyrir 8. – 10. bekk
Fimmtudagur kl. 13:45 - 15:05
📖 Lýsing
Valfagið er kynning á öllum helstu undirstöðuatriðum körfubolta. Lögð er áhersla á leik frekar en keppni en að auki fá nemendur að kljást við ýmsar þrautir í knattraki og skoti.
Nemendur fá að kynnast öllum helstu reglum íþróttarinnar auk kennslu á viðurkenndri réttri aðferð skottækni og varnarleik en áfanginn mun fyrst og fremst snúast um að nemendur hafi gaman í leikjum og spili.
📝 Námsmat
Þetta er próflaus áfangi þar sem metið verður út frá framkomu, vinnu- og áhuga.
LEGO-FLL
HaustLEGO-FLL
📖 Lýsing
Markmið: Undirbúningur fyrir hina árlegu og stórskemmtilegu landskeppnina sem haldin er í Háskólabíói ár hvert.
Ný þrautabraut kemur á hverju ári og glíma nemendur með aðstoð kennara við að finna lausnir á þrautabraut, hönnun vélmennis, lausn raunverulegs vandamáls ásamt því að setja upp kynningarbás í anddyri Háskólabíós á keppnisdegi.
Námsgögn: LEGO Mindstorm Ev3
📝 Námsmat
Virkni í tímum og vinnubrögð
Leiklist fyrir 8. – 10. bekk
Báðar annirLeiklist fyrir 8. – 10. bekk
Mánudagur kl. 14:00 - 15:20
📖 Lýsing
Athugið að leiklistarval jafnast á við tvær valgreinar
Hér er myndbandskynning: https://www.youtube.com/watch?v=O2z3WwZkSMI
Gott að vita ef leiklist er valin:
Valið er á mánudögum en einnig eru tímar á öðrum dögum.
Nemendur skulu skoða vel aukaæfingar og þurfa að vera tilbúnir að leggja á sig að læra texta og vilja taka leiðsögn
Markmið:
Að nemandi sýni virka þátttöku í tímum með:
• að taka þátt í leikjum og verkefnum hvers tíma
• öðlast færni í að túlka hlutverk á skýran hátt
• vinni vel í hóp
• taki tillit til annarra
• hafi þögn þegar það á við
• leita aðstoðar ef eitthvað er að
• taki þátt í uppsetningu í lok annar
Til þess að geta tekið þátt í sýningu í annarlok, þarf að hafa tök á því að uppfylla 75%mætingu.
Leitað er allra leiða til að hjálpa nemanda ef það er stórt skref að standa á sviði fyrir framan aðra á mildan og hjálplegan hátt. Það er þó alltaf í höndum nemanda að taka skrefið og vilja.
Nemandi sem tekur ekki þátt uppi á sviði getur fengið tækifæri að vera í virkni utan sviðs, til dæmis með því að sinna tæknimálum, búningum eða leikmynd.
Hér er svo skipulagið fyrir veturinn smelltu hér
📝 Námsmat
Ástundun, virkni og áhugi
Leir, gifs og pappamassi
Báðar annirLeir, gifs og pappamassi
Miðvikudagur kl. 13:45 - 15:05
📖 Lýsing
Í mótun munu nemendur vinna að fjölbreyttum verkefnum í þrívídd.
Leitast við að þjálfa og þroska huga og hönd í fjölbreyttum mótunarverkefnum.
Unnið með mótun í jarðleir og annan fjölbreyttan efnivið.
Nemendur læra mismunandi aðferðir í leirmótun til að nýta sér t.d. við gerð nytjahluta, eins og bolla, skálar o.fl.
Hlutur unninn frá skissu að lokaverki.
Nemendur fá þekkingu á ólíkum möguleikum glerungs.
Námsmat: Árangur verður metinn eftir ástundun, virkni í tímum, framförum og áhuga.
📝 Námsmat
Ástundun, virkni og áhugi.
Líkamsrækt Bjarg fyrir 9 - 10. bekk
HaustLíkamsrækt Bjarg fyrir 9 - 10. bekk
Mánudagur kl. 14:00 - 15:00
Föstudagur kl. 14:00 - 15:00
📖 Lýsing
Fjölbreyttar æfingar undir leiðsögn grunnskólakennara með langa og víðtæka reynslu af líkamsræktarþjálfun.
Markmið námskeiðsins er að kynna líkams- og heilsurækt fyrir nemendum og leyfa þeim að prófa þær fjölbreyttu leiðir og aðferðir sem eru í boði á heilsuræktarstöðvunum. Einnig að þjálfa þol og þrek þátttakanda og undirstrika mikilvægi þess að hreyfing sé hluti að heilsusamlegum lífsstíl. Boðið verður upp á fjölbreytta tíma í líkamsræktarsal.
📝 Námsmat
Tekið er tillit til mætinga, virkni og áhuga.
Lyftingar fyrir 9. - 10. bekk
HaustLyftingar fyrir 9. - 10. bekk
Þriðjudagur kl. 14:00 - 15:20
📖 Lýsing
Í þessu valfagi fá nemendur á unglingastigi tækifæri til að kynnast grunnatriðum í kraftlyftingum og ólympískum lyftingum undir leiðsögn þjálfara lyftingadeildar KA. Áhersla er lögð á að kenna rétta líkamsbeitingu, góða tækni og örugga framkvæmd æfinga.
Nemendur læra helstu lyftur, uppbyggingu styrktarþjálfunar og hvernig hægt er að bæta styrk og líkamlega færni á markvissan hátt. Markmiðið er að efla sjálfstraust í hreyfingu, auka líkamlega getu og skapa jákvætt viðhorf til heilsueflingar og reglulegrar hreyfingar.
Námskeiðið hentar öllum, óháð fyrri reynslu.
Píla fyrir 8. - 10. bekk
Báðar annirPíla fyrir 8. - 10. bekk
Miðvikudagur kl. 14:00 - 15:00
📖 Lýsing
Markmið námskeiðsins er að gera nemendum kleift að kynnast íþrótt sem er ört vaxandi í heiminum.
Nemendur munu læra helstu grunnþætti í pílukasti sem og helstu keppnisleiki sem eru spilaðir hér á Íslandi og í heiminum. Samhliða þessu munu nemendur þjálfa einbeitingu og færni sína í stærðfræði, enda spila bæði stórt hlutverk í pílunni. Þá verður einnig lögð áhersla á hugarþjálfun þar sem nemendum verður kennt að meðhöndla spennuna sem fylgir oft íþróttum.
📝 Námsmat
Ástundun, virkni og áhugi.
Rafíþróttir fyrir 8. - 10. bekk
Báðar annirRafíþróttir fyrir 8. - 10. bekk
Þriðjudagur kl. 13:30 - 14:50 og kl. 14:45 - 16:05
Miðvikudagur kl. 13:30 - 14:50 og kl. 14:45 - 16:05
📖 Lýsing
Rafíþróttadeild Þórs vill hjálpa þeim sem stunda rafíþróttir að ná sem bestum árangri með markvissum æfingum og heilbrigðum spilaháttum, og hjálpa spilurum að komast í fremstu röð í þeim tölvuleik sem þeir spila. Þessu viljum við áorka með því að skapa félagslegt og stuðningsríkt umhverfi fyrir spilara sem vilja koma saman og bæta sig. Það er okkar trú að markviss æfing á tölvuleikjum í réttu umhverfi getur haft jákvæð áhrif á spilara.
Markmið: Að bjóða upp á skipulagt starf fyrir unglinga þar sem þau geta stundað rafíþróttir undir handleiðslu þjálfara og stuðla að jákvæðri tölvuupplifun. Að hjálpa iðkendum að hugsa vel um líkama og sál með hreyfingu/æfingum, að efla félagslegan og siðferðislegan þroska. Að iðkendur læri undirstöðuatriðin í þeim leik sem þeir æfa og hafi ánægju af rafíþróttum. Að efla félagsfærni og valdefla þau sem eru mikið ein heima að spila.
📝 Námsmat
Ástundun, virkni og áhugi.
Sjónlistir og leir fyrir 8. - 10. bekk
Báðar annirSjónlistir og leir fyrir 8. - 10. bekk
Fimmtudagur kl. 14:00 - 15:20
📖 Lýsing
Í þessu vali velja nemendur sér hvort sviðið þeir vilja helst vinna með, sjónlistir eða leir.
Í sjónlistum er unnið með helstu greinar sjónlista, eins og hönnun, teikningu, málun og listasögu. Lögð er áhersla á að virkja áhugasvið nemenda og útfærslur á verkefnum svo tengd mismunandi miðlum.
Í leir læra nemendur helstu grunnaðferðir til mótunar en einnig um notagildi og sögu leirbrennslu. Nemendur fá síðan að vinna að sínum frjálsu verkefnum þegar þeir hafa tileinkað sér helstu grunnatriðin.
📝 Námsmat
Ástundun og virkni.
Skák fyrir 8. – 10. bekk
Báðar annirSkák fyrir 8. – 10. bekk
Miðvikudagur kl. 14:00 - 15:20
📖 Lýsing
Markmið: Að auka færni nemenda og áhuga á skáklistinni.
Fjallað verður um helstu reglur og aðferðir sem notaðar eru í skák, t.d. byrjanir, miðtöfl, endatöfl, fléttur og að máta. Farið verður yfir valda kafla úr skáksögunni og skákir meistara á borð við Morphy, Lasker, Capablanca, Aljekín, Botvinnik, Fischer, Karpov, Kasparov og Carlsen skoðaðar. Áhersla verður lögð á að skoða hvernig hægt er að nota tölvur til að auka færni sína í skák, bæði með því að tefla á netinu á www.Chess.com og með því að nota öflug skákforrit á borð við Stockfish og Houdini. Námskeiðinu lýkur með skákmóti. Vegleg verðlaun verða í boði.
📝 Námsmat
Ástundun, virkni og áhugi
Smíðaval fyrir 8. - 10. bekk
Báðar annirSmíðaval fyrir 8. - 10. bekk
Þriðjudagur kl. 14:00 - 15:20
📖 Lýsing
Hönnun og smíði er valfag þar sem nemendur öðlast þekkingu á því ferli sem hefst á því að fá hugmynd og endar með því að hún verður að veruleika.
Farið verður yfir undirstöðuatriði í trésmíði. Nemendur fá þjálfun í notkun ýmissa tréverkfæra og undir handleiðslu kennara smíða þeir einfalda gripi. Að lokum fá nemendur tækifæri til að hanna sinn eigin grip og smíða hann.
Greinin getur nýst sem undirbúningur fyrir grunnnám byggingagreina í framhaldsskóla.
📝 Námsmat
Nemendur verða metnir alla önnina út frá verkefnum og frammistöðu í tímum. Tekið verður mið af sjálfstæðum vinnubrögðum, dugnaði, frágangi og vandvirkni.
Spaðaíþróttir
HaustSpaðaíþróttir
Föstudagur kl. 14:00 - 15:20
📖 Lýsing
Spaðaíþróttir
Í spaðaíþróttum verður áherslan lögð á að spila og læra borðtennis, badminton og tennis. Farið verður í undirstöðuatriði íþróttanna þriggja og helstu tækniatriði kennd. Hvernig er best að halda á spaðanum í viðkomandi íþrótt og farið verður yfir forhönd, bakhönd og uppgjafir. Þar að auki verða helstu reglur kynntar og leikið eftir þeim. Upphitunar- og keppnisleikir verða iðkaðir og haldin verða mót í greinunum þremur.
Lykilatriði verður þó að njóta íþróttanna og skemmta sér í góðri íþrótt.
📝 Námsmat
Námsmat verður til jafns byggt á mætingu og viðhorfi.
Spænska
HaustSpænska
Mánudagur kl. 14:00 - 15:20
📖 Lýsing
Langar þig að læra tungumál sem yfir 500 milljónir manna tala um allan heim? Þá er spænska frábært val. Spænska er eitt mest talaða tungumál í heimi og getur nýst þér á mörgum sviðum lífsins, ekki bara á ströndinni á Tenerife eða strætum Madrídar, heldur í ferðalögum og mögulega námi og vinnu.
Í spænsku kynnumst við menningu, mat, tónlist og lífinu á Spáni og "kíkjum" einnig til annarra landa.
Við höfum tímana skemmtilega með t.d. samtölum, verkefnavinnu, myndböndum og tónlist. Þú þarft ekki að kunna neitt fyrirfram – bara mæta með áhuga og vilja til að prófa eitthvað nýtt.
... svo er líka bara mjög gott að geta sagt meira en hola, gracias og un vaso de agua por favor. 🙂
Við ætlum að vera living la vida loca eins og skáldið sagði og förum "bailando" í gegnum þetta saman.
¡Hasta pronto!
📝 Námsmat
Ástundun, virkni og áhugi
Spilaklúbbur fyrir 8.-10. bekk
Báðar annirSpilaklúbbur fyrir 8.-10. bekk
Föstudagur kl. 14:00 - 16:00
📖 Lýsing
Í valgreininnni verður kafað inn í heim D&D og hlutverkaspila. Rík áhersla er lögð á dýpt í persónusköpun í máli, leikrænt og myndrænt og tengingu hlutverkaspila við lífið og tilveruna, svo sem í samskiptum við aðra og ögrandi aðstæður.
Kennsla valgreinarinnar fer fram í Glerárskóla þar sem búið er að skapa andrúmsloft og umhverfi sem hentar vel til hlutverkaspila og hugmyndafræði þeirra.
Skipulag kennslunnar er á þá leið að nemendahópnum er skipt í tvo hópa og mætir hvor hópur annan hvern föstudag í u.þ.b. 120 mínútur í senn.
📝 Námsmat
Ástundun, virkni og áhugi.
Undirbúningur fyrir ökunám fyrir 10. bekk
Báðar annirUndirbúningur fyrir ökunám fyrir 10. bekk
Þriðjudagur kl. 14:00 - 15:20
📖 Lýsing
Góður undirbúningur fyrir hefðbundið ökunám.
Námsþættir: Hvernig skapast hættur í umferðinni og hvernig bregst maður við þeim?
Hvaða reglur gilda í umferðinni?
Öryggi og öryggisbúnaður.
Hvaða réttindi og skyldur fáum við með ökuprófinu?
📝 Námsmat
Verkefni og virkni í tímum. Kennslustundir eru tvær á viku hálft árið.
Út um allar koppagrundir! Útiskóli unglinganna
HaustÚt um allar koppagrundir! Útiskóli unglinganna
Miðvikudagur kl. 14:00 - 15:20
📖 Lýsing
Útivist og upplifanir í náttúrunni. Fjölbreytt verkefni sem tengjast útivist og upplifunum utandyra. Við förum í ævintýraleit og lærum alls konar sem getur verið bæði gagnlegt og skemmtilegt að kunna. Hver vill ekki kynnast útieldun, renna fyrir fiski eða geta tjaldað skammlaust með vinum sínum? Við finnum fram áttavitann, æfum okkur að rata, skellum okkur örugglega í hjólaferð, jafnvel sjósund og útigufu. Hnútar, lummur og leikir 🙂
Stundum erum við lengur og reiknum með að klára ekki síðar en um miðjan nóvember.
📝 Námsmat
Ástundun, virkni og áhugi.
Útivist og hreyfing
HaustÚtivist og hreyfing
Mánudagur kl. 14:00 - 15:20
📖 Lýsing
Valfagið útivist og hreyfing er hugsað jafnt fyrir byrjendur og lengra komna í útivist. Dagskráin byrjar með styttri ferðum þar sem lagður er grunnur að þeirri þekkingu og færni sem þarf fyrir lengri ferðir. Við endum svo á tveggja daga ferð með skálagistingu. Áhersla er á skemmtilegar ferðir með góðum félagsskap og að njóta náttúrunnar.
Áhersluþættir: Örugg ferðahegðun, matur og næring, útbúnaður og fatnaður, náttúrulæsi, heilsa og heilbrigði, andlegir kostir útivistar, valdefling.
- Tími 1. Hópurinn hittist í Brekkuskóla. Farið yfir dagskrá. Fræðsla um útbúnað og ferðalög. 80 mín.
- Tími 2. Gönguferð um Kjarnaskóg og í Gamla og niður. 120 mín.
- Tími 3. Gönguferð upp í Fálkafell og elduð máltíð. 120 mín.
- Tími 4. Fjallganga á fjall í nágrenni Akureyrar fjall. 240 mín.
- Tími 5. Fjallganga á fjall í nágrenni Akureyrar. 300 mín.
- Tími 6. Tveggja daga ferð og gisting í skála.
Kennt verður á mánudögum kl. 14:00 á haustönn. Greinin hefur aðsetur í Brekkuskóla en nánari dagskrá verður send þátttakendum í byrjun.
📝 Námsmat
Ástundun, virkni og áhugi
VMA - aðhlynning/hjúkrun fyrir 9. - 10. bekk
HaustVMA - aðhlynning/hjúkrun fyrir 9. - 10. bekk
Þriðjudagur kl. 14:30 - 15:50
📖 Lýsing
Markmið: Að nemandinn kynnist námi sjúkraliða og störfum þeirra.
Farið er yfir nokkra verkþætti í hjúkrun og umönnun s.s. umbúnað í rúmi, mæla blóðþrýsting, lífsmörk, aðstoð við athafnir daglegs lífs og fá upplýsingar um störf sjúkraliða, stuðningsfulltrúa og félagsliða í nærsamfélaginu (sambýli, heilsugæsla, heimahjúkrun, heimilishjálp, sjúkrahús). Jafnframt verður farið í helstu þætti endurlífgunar, viðbrögðum við slysum (112), slysavarnir og líkamsbeitingu.
Kennt er einu sinni í viku 2x40 mín á haustönn. Nemendur sem standast námskröfur greinarinnar fá eina einingu sem getur nýst síðar í framhaldsskólanámi.
📝 Námsmat
Námsmat: Virkni og þátttaka (10%), skrifleg verkefni (45%), ratleikur/stöðvavinna (10%), kynning (25%), heimsóknarskýrsla (10%).
VMA - framreiðsla fyrir 9. -10. bekk
HaustVMA - framreiðsla fyrir 9. -10. bekk
Mánudagur kl. 14:30 - 15:50
📖 Lýsing
Markmiðið: Í áfanganum verður kynning á menntun og starfi framreiðslumanna. Nemendur læra að leggja á borð og skreyta borðin fyrir mismunandi tækifæri. Nemendur læra að gera óáfenga kokteila. Nemendur læra að nota kaffivél og gera kaffidrykki.
📝 Námsmat
Námsmat: Tekið er tillit til mætinga, frammistöðu og virkni. Nemendur sem standast námskröfur greinarinnar fá eina einingu sem getur nýst síðar í framhaldsskólanámi.
VMA - hársnyrtiiðn fyrir 9. – 10. bekk
HaustVMA - hársnyrtiiðn fyrir 9. – 10. bekk
Mánudagur kl. 14:30 - 15:50
📖 Lýsing
Markmiðið er að nemendur kynnist starfi hársnyrta og geri sér grein fyrir hvaða kröfur eru gerðar til þeirra. Í áfanganum vinna nemendur ýmis verkefni sem tengjast hársnyrtingu og fá innsýn og kynningu á námi og störfum hársnyrtis undir handleiðslu kennara. Unnin eru ýmis verkefni innan hársnyrtideildarinnar sem tengjast verklagi og samskiptum sem nýtast einnig í daglegu lífi. Farið er í hárþvott, mismunandi upprúll, blástur og notkun hitatækja ásamt mismunandi hárgreiðslum og fléttum.
Áfanginn getur aðstoðað nemendur við að sjá hvort þeim finnist fagið áhugavert og hvort það sé eitthvað sem þeir geti hugsað sér að leggja fyrir sig í framtíðinni.
📝 Námsmat
Tekið er tillit til mætinga, frammistöðu og virkni. Nemendur sem standast námskröfur greinarinnar fá eina einingu sem getur nýst síðar í framhaldsskólanámi.
VMA - listnámskynning fyrir 9. -10. bekk
HaustVMA - listnámskynning fyrir 9. -10. bekk
Þriðjudagur kl. 14:30 - 15:50
📖 Lýsing
Unnið að margskonar skapandi verkefnum bæði í myndlist og textíl. Í listnámskynningu fá nemendur innsýn í ýmsa áfanga sem tilheyra myndlistarlínu og hins vegar fata-og textíllínu. . Kynnast aðferðum til að efla skapandi hugsun, þróa hugmyndir sínar og hæfni til að koma þeim á framfæri. Áhersla er lögð á að vinna skapandi verkefni sem byggja á grunni myndistar og textíla
Notast verður við fjölbreytt efni, áhöld og aðferðir og tilraunir gerðar með form, liti, ljós, byggingu, tvívídd, þrívídd, hönnun, teikningu, þrykk og málun. Nemendur sem standast námskröfur greinarinnar fá eina einingu sem getur nýst síðar í framhaldsskólanámi.
VMA - matreiðsla fyrir 9. -10. bekk
HaustVMA - matreiðsla fyrir 9. -10. bekk
Miðvikudagur kl. 14:30 - 15:50
📖 Lýsing
Markmiðið er að nemendur fái innsýn í störf tengd matreiðslu, fái fræðslu um nám og störf matartækna og matreiðslumanna. Nemendur útbúa ýmsa einfalda rétti, fræðast um matseðla, næringu og hollustu. Nemendur fá fræðslu um mikilvægi hreinlætis við matreiðslu og framreiðslu.
VMA - skapandi textíll fyrir 9. - 10. bekk
HaustVMA - skapandi textíll fyrir 9. - 10. bekk
Miðvikudagur kl. 14:30 - 15:50
📖 Lýsing
Í skapandi textíl verður lögð áhersla á að nýta efnivið sem nú þegar er til og breyta honum með fjölbreyttum aðferðum textíla. Verkefnavinna byggir á hugmyndum fatahönnuða sem hafa sjálfbærni og endurvinnslu að leiðarljósi í sinni vinnu t.d. Ýrúrarí, Bettinu Bakdal og Aftur. Þannig fá nemendur tækifæri til þess að umbreyta gömlum flíkum í nýjar eða skapa nytjahluti úr efnivið sem annars væri fargað.
📝 Námsmat
Nemendur sem standast námskröfur greinarinnar fá eina einingu sem getur nýst síðar í framhaldsskólanámi.